“أجمل ما في لبنان هو لبنان، ولكن أكذب ناس هم سياسيي لبنان الّذين يدّعون أنهم يحبّون بلدهم”، بهذه الكلمات فتح الممثل اللبناني القدير صلاح تيزاني (أبو سليم) النار على السياسيين خلال حديث على قناة الـLBCI.
وأضاف “أبو سليم”: “أوعا تصدّق إنّو بيحبّوا لبنان! يللي بيحبّ لبنان بيضحّي كرمالو. الشعب اللبناني رح يموت من الجوع والقهر، والسياسيين قاعدين متسلّطين، خلّينا ساكتين أحسن لأن الصمت أحياناً أهم من الكلام”.
وتساءل: “كيف الكن عين يا سياسيين تحطّوا عينكن بعين الشعب؟ بلدنا كان أحلى بلد بالدنيا، وصّلتوه ت صار مزبلة… يا عيب الشوم عليكم”، واستشهد بحادثة رمي السياسيين في حاويات النفايات في أحد البلدان الأجنبيّة.
ورداً على سؤال “ما الّذي يُبكي صلاح تيزاني اليوم بعدما أضحك الجمهور لسنوات طويلة؟” قال أبو سليم: “أبكي على وطني لبنان، عشنا وجبنا اولاد ت يعيشوا بهالوطن! ببكي ت شوف ابني ما عم بقدر شوفو لأنو مش هون”.
وبكى قائلاً “أولادي خارج لبنان، أنا شو باقي من عمري؟ عمري 94 سنة، ما بدّي إبني يكون فوق راسي لمّا الله بياخد أمانتو؟”.
