نعى عدد كبير من الفنانين اللبنانيين والعرب عبر حساباتهم على شبكات التواصل الإجتماعي، الفنان جورج الراسي الذي رحل عن عمر ناهز 42 عاماً فجر اليوم السبت، إثر حادث سير مرّوع على الطريق الدولية بين لبنان وسوريا.
وكتب “سلطان الطرب” جورج وسوف: “شو هالخبر الحزين صباح اليوم، كتير بكّير يا جورج. الله يصبّر أهل الفنان جورج الراسي على هالكارثة وأهل الصبية يللي كانت برفقتو. خالص التعازي لكل محبّيك”.
وغرد وائل كفوري: “بكّيتنا يا جورج! الله يرحَمك ويرحَم الصبيّة اللي كانت برفقتك والله يصبّر الأهل”.
وقال وسام بريدي الذي سبق أن فقد شقيقه الفنان عصام بريدي في حادث سير: “شو بوجع هالنهار يا جورج، قلبي عم يحترق من الوجع، 12 نيسان 2015 دبحني واليوم كأني بهيديك النهار راسي رافض يصدق انو اليوم هيك صار، ما قادر فكر باخواتك وأهلك. المسيح قام الله يرحم روحك”.
وكتبت نادين نجيم للممثلة نادين الراسي: “بعرف ما في كلام بيقدر يواسيكي.. وبعرف حزنك كبير كتير ويلي صار فاجعة كبيرة.. بتمنى من كل قلبي الله يعطيكي الصبر والقوة انتي وعيلتك.. الله يرحم خيّك جورج وتكون نفسه بالسما.. كلنا حدك حبيبي نادين كوني قوية بحبك كتير الله يرحمه روحه و تكون نفسه بالسما”.
وغرّد وسام حنا: “شو هالصباح الأسود، ضيعان الشباب”.
وقالت كارول سماحة: “شو هالخبر القاسي اليوم، الله يرحم شبابك يا جورج والله يصبر أهلك عا خسارتك، قلبي وفكري معك يا نادين الله يعطيكي القوة تتخطي هالوجع… الله يرحمو”.
وكان باسم مغنية من أول المعزين بالراحل: “جورج الراسي ضيعان شبابك. بكرت. عزائي للصديقة نادين الراسي وعائلتها الكريمة. الله يصبركم”.
وكتبت ديانا كرزون: “خبر حزين ومؤلم وفاه الفنان اللبناني جورج الراسي. الله يرحمك ويصبر أهلك يارب”.